Iloko: Official Language of La Union

Reprinted from “Amianan Balita Ngayon”
Oct. 30, 2012

(Click here to read the following press release in English.)

Gov. Manuel Ortega

Gov. Manuel Ortega

“Saluadantayo ti pagsasao tayo nga Iloko ta daytoy ti impatawid dagiti nagannak kadatayo a pakalaglagipan tayo.”

Daytoy ti impaganetget ni Bise-Governador Aureo Augusto Q. Nisce a nangidaulo kadagiti miembro ti Pagpandayan ti Linteg iti balligi a panangputarda ti Iloko Code.

Vice Gov. Aureo Nisce

Vice Gov. Aureo Nisce

Pinirmaan ni Gobernador Manuel C. Ortega ti Ordinansa Blg. 26 a mangipatungpal iti Iloko Code wenno ti pannakausar ti Iloko kas kangrunaan a pagsasao iti sapasap a probinsia idi maika-25 ti Oktubre, 2012, babaen ti maysa a simple a simboliko a programa iti Diego Silang Hall ti Kapitolyo ti Probinsia, Siudad ti San Fernando.

Inyebkas ditoy ti governador ti panangkablaawna kadagiti nangputar iti nasao nga ordinansa.

“Daytoy ti pakakitaan ti nainget a panagkaykaysa ti Junta Probinsial,” kinunana.

Segun ken ni Nisce, kayat ita a kopyaen wenno tuladen dagiti dadduma a probinsia iti ka-Ilokoan ti Iloko Code nga immuna a nairubuat iti probinsia ti La Union.

“Maymaysa tayo a mangsuportar iti nasayud a pannakaipatungpal daytoy nga ordinansa, ta isu ti mangpatalinaed ken mangparangpaya iti pagsasao ken kultura tayo,” kinuna ni Bokal Reynaldo M. Mosuela kabayatan ti panangilawlawagna no kasano ken no apay a pinutarda ti nasao nga ordinansa.

Binigbig met ni Mosuela ti naitulong dagiti kameng ti Technical Working Group nga indaulwan ni Division Superintendent Edna Leal ti Departamento ti Edukasion ti La Union, kasta met ni Firth McEachern, ti Consultant on Language Development Services ti Opisina ti Gobernador.

Kas panangipakita iti gagar ti gobierno probinsial a mapatibker ti pannakaipatungpal ti Iloko Code, naibunong dagiti diksionario iti maudi a paset ti programa.

Ingunamgunam met ni Bokal Jose Ma “Pepe” Ortega, a nangidaulo ti pannakasangal ti nasao a linteg, ti kinapateg ti Iloko.

“No mapukaw tayo ti bukod tay a pagsasao, mapukaw metten ti kultura tayo, ket no mapukawen ti kultura tayo, maawan metten ti kinasiasino tayo,” kinunana.

Inawaganna met ti imatang dagiti kameng ti media, aglalo dagiti lokal a pagiwarnak ken radio a tumulong tapno maipalawag ti linteg.

Mainaig iti daytoy, naipanpanawen ti naangay nga Iloko Language Seminar idi maika-3, 10, ken 17 ti Oktubre babaen ti panangidaulo ti Regional Development Council (DC) Region 1 – Development Communication-Support Committee nga indauluan ti Philippine Information Agency (PIA) ken sinuportaran ti National Economic Development Authority 1 (NEDA) ken Gunglo Dagiti Mannurat nga Ilokano wenno GUMIL.

Segun ken ni PIA 1 Regional Director Abraham N. Libadia, daytoy ti makitkitada kas maysa nga epektibo a mausar iti panangpatibker ken panangipablaak kadagiti programa ken proyekto ti gobierno.

Nagserbi kas mannursuro wenno trainor dagiti presidente ti GUMIL Ilocos Sur ken La Union, Dr. Ed H. Angco ken Djuna Alcantara, a nangibingay kadagiti kapanunotanda iti husto a panangusar, panangibalikas, ispeling ken gramatika ti Iloko.

Naggapu dagiti partisipante iti nasao a training kadagiti nadumaduma nga ahensia kas ti NEDA, PIA, DepEd, National Conciliation and Mediation Board, Philippine National Police-Regional Office 1, Maritime Industry Authority, Bureau of Fisheries and Aquatic Resources, Department of Agriculture, Department of Science and Technology, Poro Point Management Corporation, Commission on Human Rights, Bureau of Customs, Provincial Government of La Union, DZAG Radio ng Bayan, The Weekly City Bulletin, Ilocos Norte Electric Company, ken Ilocos Sur Polytechnic State College.  ABN – with reports from Victor B. Dacanay, PITO; and Miriam P. Aquino, ANL/MPA/FMGM-PIA 1 La Union.

One thought on “Iloko: Official Language of La Union

  1. Maysa toy a naimbag a damag para iti amin a pagsasao ti ilitayo.
    Kalpasan ti Ilokano, mabalinen nga agaramid dagiti sabali a probinsia dagiti linteg kasla daytoy. Maanadantayo dagiti kabaketan a pagsasaotayo😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s